5 / 336 
5
Ертеңіне ол директорға көңілді келіп: «Түнде біреулер
бөшкені тесіп кетіпті. Шұрқ-шұрқ. Сваркілемесе түкке жа
рамайды енді. Әкелген бетте кіргізе салатын кісілер ғой», –
деді ызалы қуанышын жасыра алмай. «Балалар ғой. Брюс
Лиді көріп-көріп, темір тесіп жаттығып жүрген», – десті
біреулер. «Саусағымен темір тесетін Брюс Ли емес, Брюс
Лай деген басқа әртіс», – деп, екіншілері оларды түзетіп еді,
күңфу мен каратэнің айналасында дау бұрқ ете түсті. Әйтеуір,
ешқайсысының бұл күрестерді жөнді білмейтіні абырой бол
ды. У-шу болып, танланцюань, кекусинкай, дзю-дзюцу, дзюдо,
нят-нам, силат, хапкидо, айкидоны айыздары қанғанша
айтып-айтып, бір білгіш бұның бәрінің түп-тамыры үндінің
каларипляту деген күресі екеніне тоқталып, ақырында тікелей
таэквондоға түскенде тіпті құтырып кетті.
Сөзге таласып-тармасқандары сондай, тыпыр-тыпыр етіп,
тебісіп қала жаздады. Тыпырлатқан – Мұстафа Өзтүрік.
– Табанды жігіт деп соны айт!
– Біз қалай білмей келгенбіз?
– Неге?
– Дүниені табанымен таңғалдырған тарлан өзіне жабылған
тоғыз каратэшіні бір тепкенде талдырып тастапты.
– Тепкіш екен. Тоғызы түгілі, тоқсанына да бой бермейтін
шығар!
– Сүйтеді, бүйтеді, – десті. «Өзін бір тебеген айғырмен
тебістіріп көрер ме еді?!» – деп қиялдағандар да болды.
– Айтқандайын, ол Көкшетауға келіпті ғой!
– Е-е, келсе немене... Сенің темір бөшкеңді сол теуіп, тесіп
кетіп пе?
– Жоға, оны қайтсін ол. Жазда рас келіпті. Обкомда
отырғанда, ЦК-ның бір адамы, өзі дәу дейді, «бір әдісіңді
көрсетші!» деп қоймапты. Содан Мұстафа ақырды дейді.
Ақырғанда жұрттың бәрі жапырылып жата қала жаздады
дейді. Не істегенін ешкім де байқамай қалыпты, қанша көз
алмай аңдыса да. Ал әлгі дәуің допша домалап кетті дейді.
– Ұр деп несі бар енді? Сол керек оған.
– Жәй ақырын ұрған ғой, әйтпесе бос бөшке құсап тесілетін
де қалатын еді.
– Әй, кім тесті екен, ә? – десіп, қайтадан бөшкеге көшті.